Protesta të reja në Irak, kundër korrupsionit

15:16 | 7 Shtator 2018
Arbresh.info

Protestuesit në qytetin jugor të Basras sërish kanë dalë në rrugë për të protestuar kundër korrupsionit dhe mungesës së shërbimeve bazike.

Trazirat kanë vazhduar përgjatë verës, por të paktën shtatë persona janë vrarë vetëm këtë javë nga përleshjet, transmeton portali arbresh.info.

Provinca me shumicë shiite e Basrës posedon rreth 70% të rezervave të naftës në Irak, por banorët ankohen për dekada të neglizhimit nga qeveria qendrore.

Parlamenti i Irakut tani ka thënë se do të thërrasë një seancë urgjente të shtunën për të diskutuar trazirat. Protestat gjithashtu detyruan mbylljen e portit aty pranë të Umm Kasarit të enjten.

Përkundër orës policore dhe premtimeve të fondeve emergjente, trazirat kanë vazhduar./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm